AQSh prezidenti Donald Tramp G‘azo sektorida, u yerda Isroil hujumlari davom etayotgan bir paytda, yaqin kunlarda o‘t ochishni to‘xtatish bo‘yicha kelishuvga erishilishi mumkinligini bildirdi.
Bu haqda u Uganda va Demokratik Respublika Kongo o‘rtasidagi 30 yillik urush yakunlanishi munosabati bilan Oq uyda o‘tkazilgan matbuot anjumanida ma’lum qildi.
«G‘azodagi vaziyat dahshatli. Menimcha, o‘t ochishni to‘xtatish kelishuviga kelayotgan haftada erishiladi», — dedi Tramp jurnalistlar savoliga javoban.
Uning ta’kidlashicha, uni tez-tez G‘azodagi vaziyat va o‘t ochishni to‘xtatish masalasi bo‘yicha so‘rashadi. Shuningdek, u yaqinda bu jarayonda qatnashgan ayrim shaxslar bilan uchrashganini ham ma’lum qildi:
«Men hozirgina bu jarayonda ishtirok etayotgan ba’zi shaxslar bilan uchrashdim», — dedi Tramp.
Ayni paytda G‘azo sektoridagi insonparvarlik inqirozi va zo‘ravonlikning kuchayishi xalqaro hamjamiyat tomonidan keskin muhokama qilinmoqda. Trampning bayonoti bu mojaroda siyosiy yechim ehtimoli borligini ko‘rsatmoqda.
O‘zbekistonlik yana bir futbolchi "Manchester Siti"ga o‘tishi mumkin
Eldor Shomurodov yangi jamoasining taklifini qabul qildi
Yana bir o‘zbekistonlik futbolchi "Manchester Siti"ga o‘tishi kutilyapti
