Tramp Eron hukumati u bilan iloji boricha tezroq uchrashishni xohlayotganini aytdi

AQSh prezidenti Donald Tramp Eron rahbariyati vakillari u bilan imkon qadar tezroq uchrashuv o‘tkazishni istayotganini ma’lum qildi

Oq uyda jurnalistlar bilan suhbat davomida undan Eron hududida boyitilgan uran zaxiralarining mavjudligi uni tashvishga solayotgan yoki solmayotgani so‘ralgan. AQSh rahbarining fikricha, bu Tehronni hozir qiziqtirayotgan eng so‘nggi masala hisoblanadi.

“Hozir ularni qiziqtirayotgan eng so‘nggi narsa - boyitilgan uran. Ular bu haqda o‘ylashmayapti. Ular normal hayotga qaytishni va men bilan uchrashishni istashmoqda”, dedi Tramp.

Tramp Eron rasmiylarining muzokaralar rejasi yo‘qligi haqidagi ommaviy bayonotlariga izoh berish so‘roviga javoban, aslida vaziyat boshqacha ekanini taxmin qilgan. Uning so‘zlariga ko‘ra, bu “tez orada amalga oshadi”.