Tramp: "Shu nuqtada urush tugagan deb hisoblanadi"

AQSh prezidenti Donald Tramp Isroil va Eron yaqin soatlarda to‘liq o‘t ochishni to‘xtatishga kelishib olganini aytdi.

Amerika yetakchisi bu haqda Truth Social nashrida yozgan.

"Isroil va Eron 12 soatga to‘liq o‘t ochishni to‘xtatishga kelishib oldilar (taxminan 6 soatdan keyin, Isroil va Eron joriy va yakuniy amaliyotlarini yakunlagach!), shu nuqtada urush tugagan deb hisoblanadi", - deya ta’kidladi Tramp.

Unga ko‘ra, Eron birinchi navbatda, "12-soatda" o‘t ochishni to‘xtatadi, shundan so‘ng Isroil ham shunday qiladi.

"24-soatda dunyo yillar davomida davom etishi va butun Yaqin Sharqni vayron qilishi mumkin bo‘lgan 12 kunlik urush tugashini nishonlaydi", - deya qo‘shimcha qildi u.