Buyuk Britaniya Vazirlar Mahkamasi AQShning Eronga ehtimoliy zarbasi yuzasidan yuqori ogohlantirish holatiga keltirildi

Buyuk Britaniya bosh vaziri Kir Starmer AQShning Eronga ehtimoliy zarbasi yuzasidan o‘z vazirlar mahkamasini yuqori tayyorgarlik holatiga keltirdi.

Bu haqda Financial Times nashri Britaniya rasmiylariga tayanib, Eron va Isroil o‘rtasidagi mojaroni muhokama qilish bo‘yicha hukumatning Cobra favqulodda qo‘mitasi yig‘ilishi yakunlariga ko‘ra xabar berdi.

Ular vaziyatni "qiyin va beqaror" deb ta’rifladilar. Nashr manbalariga ko‘ra, uchrashuvda muhokama qilingan asosiy masala AQSh prezidenti Donald Tramp mojaroga Isroil tomonida kirishga qaror qilsa, Hind okeanining markaziy qismidagi Chagos arxipelagidagi Diyego-Garsiya orolidagi Britaniya-Amerika harbiy bazasidan foydalanish niyatida yoki yo‘qligi bo‘lgan. Nashr manbalariga ko‘ra, favqulodda yig‘ilish ishtirokchilari – yetakchi vazirlar, harbiy va razvedka idoralari vakillari hamda Buyuk Britaniyaning AQShdagi elchisi Piter Mandelson Vashington bunday istak ko‘rsatishi yoki yo‘qligi borasida aniq javob bera olmagan.

Maqolada aytilishicha, shu paytgacha London Eron va Isroil o‘rtasidagi mojarodan chetda qolishga muvaffaq bo‘lgan. Nashrning yozishicha, Birlashgan Qirollik “Tehrondagi elchixonasi yopilishiga olib kelishi mumkin bo‘lgan biror narsa qilish niyatida emas”.

Britaniya hukumati vakili "gipotetik operasiya" tafsilotlarini izohlashdan bosh tortdi, deb yozadi Financial Times.