Iron Isroilning eng muhim harbiy-sanoat markazini vayron qildi

Yakshanba kuni tong vaqtida Iron tomonidan o‘tkazilgan raketa hujumi natijasida Tel-Aviv janubida joylashgan Veysman institutining bir laboratoriyasi to‘la yo‘q qilindi. Bu haqda Haaretz nashri ilmiy muassasa professoriga tayanib xabar bermoqda. Uning so‘zlariga ko‘ra, raketa uch qavatli binoning buzilishiga sabab bo‘lgan.

Veysman instituti — Isroilning harbiy-sanoat kompleksidagi eng muhim markazlardan biri hisoblanadi. Bu yerda ma’lumotlarni tahlil qilish va jang boshqaruvi uchun sun’iy intellekt sohasida tadqiqotlar, uchuvchisiz va avtonom tizimlarni ishlab chiqish, radioelektron kurash va alternativa navigasiya texnologiyalari o‘rganiladi.

Shuningdek, institut harbiy kodlarni himoya qilish, jang sharoitida shifrlangan aloqa ta’minlash, yo‘naltirilgan energiya va yadroga oid tadqiqotlar bilan shug‘ullanadi. Alohida yo‘nalish — jarohatlangan harbiylarni davolash uchun maydon tibbiyoti texnologiyalari.

Institut Isroil harbiy tuzilmalari bilan yaqin hamkorlik qiladi va Isroil armiyasining elit dasturlarida ishtirok etadi. Muassasaning asosiy sanoat sheriklaridan biri Elbit Systems kompaniyasidir.

❕ Shuningdek, institut bir qator harbiy tashabbuslarda, jumladan Isroil yadroviy dasturining dastlabki bosqichlari va kiberamaliyotlar sohasida maxsus xizmatlar faoliyati bilan bog‘liq loyihalarda qatnashgan.