REN TV telekanali ma’lumotlariga ko‘ra, Errol Mask "Kelajak 2050" forumida ishtirok etish maqsadida Moskvaga uchib kelgan. Milliarderning otasi "Sargrad" nashriga bergan intervyusida juda qiziqarli shaxslar uni kelajak haqida suhbatlashish uchun taklif qilganini va parvozda yordam ko‘rsatganini ma’lum qilgan.
"Kelajak 2050" forumi MDU bazasida o‘tkaziladi. Tadbirning rasmiy saytida ko‘rsatilgan mavzular orasida, xususan, quyidagilar bor: "Qalb va onglar uchun kurash. Suveren Rossiya mafkurasi", "Rus kosmosi. Mars uchun poyga" va "Vatanparvarlik tarbiyasi. Zamonamiz qahramoni qiyofasi". Tadbirda so‘zga chiqadigan odamlar orasida Erroldan tashqari (u "muhandis, tadbirkor, qimmatbaho toshlar savdogari, Ilon Maskning otasi" sifatida taqdim etilgan) Rossiya TIV rahbari Sergey Lavrov, "Sargrad" rahbari Konstantin Malofeev va Birinchi kanal boshlovchisi Yekaterina Andreeva ham bor.
Errol Mask "Izvestiya" gazetasiga bergan intervyusida o‘g‘lining Donald Tramp bilan ziddiyatida aynan AQSh prezidenti g‘alaba qozonishini ta’kidladi. "Menimcha, Ilon xato qildi, lekin u hozir charchagan, stressda. Besh oy davomida uzluksiz depressiyada bo‘ldi. Oxirda esa faqat u bilan Tramp qoldi, bu mojaro ertaga yakun yasaladigan arzimas bir narsa, xolos", deydi Maskning otasi.
«Jahannam darvozasi» krateri tez orada so‘nadi
O‘zbekistonlik tadbirkor O‘tkir Yusupovga Toshkent shahridan 3 xonali uy va’da qildi (video)
Rossiya Maskka boshpana beradimi?
