Talabalar vizalari bo‘yicha yangi tekshiruvlar: Tramp ma’muriyati ijtimoiy tarmoqlarni ham ko‘rib chiqmoqchi

Politico xabar qilishicha, AQSh hukumati talabalar vizalari uchun yangi suhbatlarni to‘xtatmoqda.

Politico nashri Davlat departamentining davlat kotibi Marko Rubio imzolagan ichki hujjatga asoslanib ma’lum qilishicha, Donald Tramp ma’muriyati AQShda o‘qish vizasi (F-1, M-1, J-1) uchun ariza topshirgan barcha chet ellik talabalarning ijtimoiy tarmoqlarini majburiy tekshirishni joriy etishni ko‘rib chiqmoqda. Bu esa amaldagi choralarni sezilarli darajada kengaytiradi.

Ushbu siyosatga tayyorgarlik ko‘rish doirasida AQSh elchixonalari va konsulliklariga keyingi ko‘rsatmalar olinguncha talabalar vizalari bo‘yicha yangi suhbatlarni to‘xtatib turish buyurilgan. Ilgari bunday tekshiruvlar asosan Isroilning G‘azodagi jinoiy harakatlariga qarshi norozilik namoyishlarida qatnashgan talabalarga nisbatan qo‘llanilgan edi.