Zelenskiy: Rossiya yangi hujumga tayyorlanmoqda

Ukraina prezidenti Vladimir Zelenskiy Rossiya yangi keng ko‘lamli hujumga tayyorlanayotganini ma’lum qildi. Razvedka ma’lumotlariga tayanib, u Kreml "uzoq davom etadigan urushga umid qilayotganini" va barcha diplomatik sa’y-harakatlarga e’tibor bermasligini ta’kidladi. “Ishonchim komilki, bizning hamkorlarimiz bir xil ma’lumotlarga ega”, — deya qo‘shimcha qildi Zelenskiy.

Ukraina harbiy rasmiylariga ko‘ra, Rossiya Xarkov viloyati bilan chegara yaqinida qo‘shin to‘plamoqda, bu esa frontning yangi qismida "faol hujum operasiyalariga yaqqol tayyorgarlik"dan dalolat beradi. Shu bilan birga, AQSH, Donald Tramp boshchiligida Ukrainaga qarshi davom etayotgan hujumlar va tinchlik muzokaralarida muvaffaqiyat qozonmaganidan norozi bo‘lgan Moskvaga qarshi sanksiyalar variantlarini ko‘rib chiqmoqda.

Kecha tunda Rossiya yana Ukrainaga hujum qilib, 60 ta dronni uchirdi. Ukraina Harbiy-havo kuchlari ma’lumotlariga ko‘ra, ulardan 43 tasi zararsizlantirildi: 35 tasi urib tushirildi, 8 tasi elektron urush tizimlari orqali yo‘naltirildi. Dnepropetrovsk viloyatida, rasmiylarga ko‘ra, seshanba kuni ikki kishi jarohatlangan.

Zelenskiy avvalroq so‘nggi uch kechada Rossiya Ukrainaga 900 dan ortiq dron bilan hujum qilgani haqida xabar bergan edi.

Rossiya Mudofaa vazirligi, o‘z navbatida, seshanbaga o‘tar kechasi Ukrainaning 99 ta UAV urib tushirilgani haqida xabar berdi. Yarimdan ko‘pi Belgorod viloyatida, 25 ta dron esa Voronej viloyatida. Qurbonlar haqida ma’lumot yo‘q.