Habib Nurmagomedov: "Dana, Islamga jang manzilini jo‘nat"

Engil vazn toifasida sobiq UFC chempioni Habib Nurmagomedov promoushen rahbari Dana Uaytga yuzlandi.

36 yoshli Habib Dana Uaytdan imkon qadar tezroq vazn toifasidan qat’i nazar UFC jangchilari reytingi peshqadami Islam Maxachevning navbatdagi jangini rasman e’lon qilishni so‘ramoqda.

"Dana, Islamga jang manzilini jo‘nat", — deya o‘zining ijtimoiy tarmoqdagi sahifasida UFC rahbari Dana Uaytga murojaat yo‘llagan Nurmagomedov.

O‘z o‘rnida Maxachev ham "Burgut"ning bu murojaatini e’tibordan chetda qoldirmadi va bitta so‘z bilan munosabat qoldirdi: "Kutyapman!"