Putin gaplashayotgan odamlarini hurmat qilishni boshlashi kerak — Zelenskiy

"Rossiya har kuni Ukrainaga tobora kuchliroq hujumlar uyushtirish orqali tinchlik emas, urush yo‘lini ongli ravishda tanlayotganini namoyon etmoqda. Bunday harakatlarni faqat yangi va jiddiy sanksiyalar to‘xtatishi mumkin.

Qo‘shma Shtatlar, Yevropa va tinchlikni istaydigan boshqa davlatlarning sanksiyalari Rossiyani nafaqat o‘t ochishni to‘xtatishga, balki boshqalarni hurmat qilishga majbur qilishning kafolatli yo‘li bo‘ladi. Putin o‘zi bilan muloqot qilayotgan odamlarini hurmat qilishni boshlashi kerak. Hozircha u faqat diplomatiya va diplomatlar bilan o‘yin o‘ynamoqda", — deya fikr bildirdi Zelenskiy o‘zining kechki videomurojaatida.

"Uch kun ichida Ukrainaga qarshi 9900 dan ortiq dronlar, ballistik raketalar, qanotli raketalar bilan hujum qilindi. Bu harbiy jihatdan hech qanday ma’no anglatmaydi, biroq bu yaqqol siyosiy tanlov — bu Putinning tanlovi, Rossiyaning tanlovi, urushni davom ettirish va hayotlarni vayron qilish tanlovi", — deya qo‘shimcha qildi Ukraina prezidenti.