Agar kompaniya AQShdan tashqarida iPhone smartfonlarini ishlab chiqarishni to‘xtatmasa, Apple kamida 25 foizlik tariflarga duch keladi, dedi AQSh prezidenti Donald Tramp.
“Men Apple kompaniyasidan Tim Kukga ularning iPhone'lari Hindistonda yoki boshqa joyda emas, balki AQShda ishlab chiqarilishi va yig‘ilishini kutayotganimni anchadan beri aytdim”, — deb yozdi Tramp ijtimoiy tarmoqdagi Truth Social sahifasida.
Apple kompaniyasining ishlab chiqarish zavodlari uchta mamlakatda joylashgan: Xitoy, Hindiston va Vyetnam. iPhone yig‘adigan zavodlarning aksariyati Xitoyda joylashgan. Hindistonda, Bloomberg yozganidek, qurilmalarning 20 foizi ishlab chiqariladi. 2024 yilga kelib Apple Hindistonda iPhone ishlab chiqarishni deyarli 60 foizga oshirishga muvaffaq bo‘ldi.
Ushbu bayonotdan keyin Apple aksiyalari darhol 4 foizga arzonlashdi, deb xabar beradi Bloomberg.
Tramp, shuningdek, Yevropa Ittifoqiga 50 foizlik boj joriy etishga va’da berdi
“Asosiy maqsadda Qo‘shma Shtatlardan savdoda foydalanish uchun yaratilgan Yevropa Ittifoqi o‘zini juda qiyin hamkor bo‘lib ko‘rsatdi.Ularning yirik savdo to‘siqlari, QQS, korporasiyalar uchun bema’ni jarimalar, tarifsiz to‘siqlar, valyuta manipulyasiyasi, amerikalik kompaniyalarga nisbatan adolasiz va beparvo da’volar va yana ko‘p narsalar Amerika Qo‘shma Shtatlari uchun yiliga 5 million dollardan ortiq savdo daromadiga olib keldi. Ular bilan olib borgan muzokaralarimiz hech qanday natija bermayapti, shuning uchun men 2025-yilning 1-iyunidan boshlab Yevropa Ittifoqi tovarlariga 50 foizlik to‘g‘ridan-to‘g‘ri boj joriy etishni tavsiya qilaman.
Chechen qo‘mondonidan to‘g‘ridan-to‘g‘ri tahdid: “Ruslarni o‘ldirish uchun kelgan xorijliklar yo‘q qilinadi!”
Rossiyada yakun yasaldi: SSSR yo‘q bo‘ldi
Fermer "er kovlab," o‘z maydonidan oltin topdi
