Toshkent viloyati Bojxona qo‘mitalari va Davlat xavfsizlik xizmati (DXX) bilan hamkorlikda o‘tkazilgan keng qamrovli maxsus operasiya davomida Tojikistondan kontrabanda yo‘li bilan olib kirilgan 26,8 kilogrammdan ortiq giyohvand modda musodara qilindi, deb xabar bermoqda Vaib.uz.
Dastlab Tojikiston va O‘zbekiston chegarasida noqonuniy tarzda chegarani kesib o‘tgan 39 yoshli Tojikiston fuqarosi qo‘lga olindi. Uning sumkasi ko‘zdan kechirilganda, 15 ta o‘ramda qadoqlangan 14 kg 584 gramm gashish aniqlanib, musodara qilindi.
Keyingi tezkor harakatlar natijasida giyohvand moddaning buyurtmachisi aniqlanib, Farg‘ona viloyatining Toshloq tumanida 56 yoshli erkak ushbu modda yetkazib berilayotganda qo‘lga olindi. Uning jinoyatga aloqadorligini tasdiqlovchi dalillar ham topildi.
Bundan tashqari, Toshkent viloyatining Bekobod tumanida 33 yoshli erkak Tojikistondan kontrabanda yo‘li bilan olib kirilgan 9 kg 467 gramm opiyni sotmoqchi bo‘lganida qo‘lga olindi. Dastlabki tergov ma’lumotlariga ko‘ra, ushbu opiyni Tojikistondan Surxondaryo viloyatiga tojikistonlik kur’er olib kelgan, so‘ngra uni Denov tumanida yashovchi 30 yoshli erkak qabul qilib olib, Toshkent viloyatiga yetkazgan. U ham qo‘lga olindi.
Maxsus operasiya davomida Qo‘qon shahrida “Lacetti” rusumli avtomobil to‘xtatilib, uning yo‘lovchisi — 1967 yilda tug‘ilgan erkak tanasiga yashirgan 1 kg 759 gramm gashish aniqlanib, musodara qilindi. Farg‘ona shahrida esa “Zaporoje” avtomobili to‘xtatilib, salonidan 995 gramm gashish topildi.
O‘tkazilgan tadbirlar davomida jami 26 kg 805 gramm Tojikistondan kontrabanda yo‘li bilan olib kirilgan giyohvand moddalar musodara qilindi.
Qo‘lga olingan shaxslarga nisbatan O‘zbekiston Respublikasi Jinoyat kodeksining tegishli moddalari bo‘yicha jinoyat ishlari qo‘zg‘atilgan, tergov harakatlari olib borilmoqda.
Markaziy Osiyo xalqlari uchun Rossiya endi qiziq emas
"Kim Chen Inni sud qilish vaqti keldi"
Rossiya o‘t ochishni to‘xtatish uchun ikkita shartni ilgari surmoqda — Bild
