Eron AQSh bilan muzokaralardan so‘ng uranni boyitish darajasini “qayta ko‘rib chiqishga” rozi bo‘ldi

Bu haqda Eron tashqi ishlar vaziri Abbos Aroqchi ma’lum qildi.

Uning so‘zlariga ko‘ra, Ummonda o‘tgan yadroviy bitim bo‘yicha navbatdagi muzokaralardan so‘ng tomonlarning pozisiyalari bir-biriga yaqinlashgan.

"Muzokaralar avvalgilariga qaraganda jiddiyroq bo‘ldi. Shu sababli, Eron Qo‘shma Shtatlar bilan ishonchni mustahkamlash maqsadida uranni boyitish darajasini qayta ko‘rib chiqadi", — deya aniqlik kiritdi Aroqchi.

Xabar berilishicha, Eron va AQSh o‘rtasidagi navbatdagi muzokaralar taxminan bir hafta ichida o‘tkazilishi rejalashtirilgan.