Agentlikning manbalariga ko‘ra, portlashlar 8 may kuni kechqurun Hindistonning Jammu va Kashmir hududidagi Jammu shahridagi aeroportda yuz bergan.
Reuters xabariga ko‘ra, Hindiston harbiylari Pokiston tomonidan shaharga dronlar va raketalar yo‘naltirilganini bildirgan. Agentlik muxbiri Jammu shahrida elektr ta’minoti uzilganini ma’lum qilgan.
Avvalroq Pokiston harbiylari 8 may kuni mamlakatning bir necha hududlarida, jumladan eng yirik shaharlar — Karachi va Lahorda, jami 29 ta hind dronini urib tushirganini e’lon qilgan edi.
