Bu haqda u o‘zining X sahifasida yozgan.
"Pokiston Hindiston tomonidan joriy etilgan ushbu urush aktiga qat’iy javob berishga to‘liq haqli va hal qiluvchi javob allaqachon berilgan", deyiladi postda.
Bosh vazirning so‘zlariga ko‘ra, Pokiston hududidagi beshta aholi punkti Hindiston zarbalariga uchragan.
7-mayga o‘tar kechasi Hindiston “Pokistondagi terrorchilik infratuzilmasiga qarshi” Sindur operasiyasini boshlaganini e’lon qildi. Hindiston Mudofaa vazirligi matbuot bayonotida aytilishicha, Pokistonda jami to‘qqizta nishonga zarba berilgan. Departament alohida ta’kidlaganidek, ular Pokiston harbiy ob’ektlariga zarba bermagan.
Islomobod Hindistonga qarshi javob zarbasini boshlaganini aytdi. Pokiston Axborot vaziri Attaulla Tararning aytishicha, Pokiston Hindistonning beshta qiruvchi samolyoti va bitta dronini urib tushirgan. Bundan tashqari, Pokiston tomoni Hindiston Qurolli Kuchlari brigadasi shtab-kvartirasi va Kashmirdagi bo‘linish chizig‘i bo‘ylab Hindiston posti vayron qilingani haqida xabar berdi. Hindiston armiyasi bu da’volarni tasdiqlamadi.
Qodirovning ahvoli juda og‘ir: u voris qidirmoqda
Hindistonlik talaba Toshkent tibbiyot akademiyasidan norozi bo‘ldi
Fransiya Rossiya G‘alaba bayramiga taklif qilinmaganidan g‘azablandi
