Vazirlar Mahkamasi huzuridagi Madaniyat va san’atni rivojlantirish jamg‘armasi faoliyatiga oid qonunchilikka o‘zgartirish kiritish bo‘yicha hukumat qarori qabul qilindi.
O‘zgartirishlarga muvofiq.
- Vazirlar Mahkamasi huzuridagi Madaniyat va san’atni rivojlantirish jamg‘armasi quyidagi qo‘shimcha funksiyalarni amalga oshiradi:
- Madaniy meros agentligi faoliyatini rivojlantirish bo‘yicha tavsiyalar berish;
- Davlat byudjeti mablag‘lari hisobidan asrashga doir ishlar amalga oshiriladigan moddiy madaniy meros ko‘chmas mulk ob’ektlarining har yillik manzilli ro‘yxatini ko‘rib chiqish hamda kelishish;
- Madaniy meros agentligi tizimidagi tashkilotlarning rahbarlari faoliyati samaradorligining asosiy ko‘rsatkichlari (indikatorlari)ni monitoring qilib borish.
- Jamg‘armaning daromadlar va xarajatlar smetasi bosh vazir tomonidan tasdiqlanadi;
- Respublika bolalar kutubxonasi Maktabgacha ta’lim va maktab ta’limi vazirligidan jamg‘arma tizimiga o‘tkazilmoqda.
Bundan tashqari, UNESSO ishlari Milliy komissiyaning yangi tarkibi tasdiqlanmoqda: jamg‘arma raisi lavozimi bo‘yicha Milliy komissiya raisi etib belgilanmoqda.
Hujjat Qonun hujjatlari ma’lumotlari milliy bazasida e’lon qilingan va 4 iyuldan kuchga kirdi.
