Зидан Франция терма жамоасини бошқаришга тайёрланмоқда

Мадриднинг "Реал" клуби собиқ устози Зинедин Зидан Франция терма жамоасининг навбатдаги бош мураббийи бўлишни режалаштирмоқда.

Манбага кўра, 53 ёшли мутахассис терма жамоа бошқарувидаги Дидье Дешам ўрнини эгаллашга фаол тайёргарлик кўрмоқда. Таъкидланишича, Зидан яқин келажакда жамоани қабул қилишга тўлиқ тайёр бўлиш учун Франция терма жамоасининг сўнгги ўйинларида кўплаб қайдлар қила бошлаган.

Бугун, 9 сентябрь куни Дешам шогирдлари ЖЧ-2026 саралашининг 2-турида Исландияга қарши баҳс олиб боради.