Украина ўз ресурсларини АҚШ ёки бошқа Ғарб ҳамкорларига бериш ниятида эмас.
Бу ҳақда Украина етакчиси Владимир Зеленский Reuters агентлигига берган интервьюсида маълум қилди.
"Бу ер жуда бой ер. Лекин бу биз уни ҳеч кимга, ҳатто стратегик ҳамкорларга ҳам берамиз, дегани эмас. Биз шериклик ҳақида гапиряпмиз", - деди у.
Зеленскийнинг сўзларига кўра, Киев фойдали қазилма конларини Вашингтонга бермаслик, уларни биргаликда ўзлаштириш бўйича ўзаро манфаатли ҳамкорликни йўлга қўйишни таклиф қилмоқда.
"Америкаликлар энг кўп ёрдам берди, шунинг учун ҳам америкаликлар энг кўп пул топиши керак. Ва улар бу устуворликка эга бўлишлари керак ва уларда шундай бўлади", - деди Зеленский ва бу ҳақда АҚШ президенти Дональд Трамп билан гаплашмоқчи эканлигини қўшимча қилди.
Эслатиб ўтамиз, 3 февраль куни Америка раҳбари Вашингтоннинг Киевдан нодир тупроқ металларини олишга қизиқишини маълум қилган эди.
Ўзбекистонда пенсия ва нафақалар миқдори оширилиши мумкин
Геологлар улкан олтин захирасини топиб олди
Россияда доллар нархи кескин тушиб кетди
