АҚШ ҳарбий техникалари Украинага етиб келди

Тўртта ҳарбий ёрдам пакети аллақачон АҚШ ва НАТО ташаббуси бўлган Украина учун устувор талаблар рўйхати (Prioritized Ukraine Requirements List - PURL) дастури доирасида молиялаштирилган.

Бу ҳақда "РБК-Украина"га НАТО вакили маълум қилди.

"Prioritized Ukraine Requirements List - PURL дастури бўйича ҳозиргача тўртта пакет молиялаштирилди. Биринчи пакетлардан баъзи жиҳозлар аллақачон Украинага етиб борган, яна кўплари йўлда", - деди манба.

Аввалроқ, Украина президенти Владимир Зеленский биринчи PURL ҳарбий ёрдам пакетлари Patriot ва HIMARS тизимлари учун ракеталарни ўз ичига олишини таъкидлаган эди.