Зеленский: "Украина ҳозир тинчликка эришиш учун ҳар қачонгидан ҳам яқинроқ"

Украина энди тинчликка ҳар қачонгидан ҳам яқинроқ.

Бу ҳақда Украина президенти Владимир Зеленский Ирландия парламентидаги чиқиши чоғида маълум қилди.

У Украина делегацияси ўша куни эрталаб Америка томони билан музокаралар якунлари бўйича брифинглар ўтказганини эслатди.

"Биз саъй-ҳаракатларимизни сафарбар қилмоқдамиз ва Украина делегацияси кейинги музокараларни интиқлик билан кутмоқда. Биз энди тинчликка ҳар қачонгидан ҳам яқинроқмиз; имконият бор", деб таъкидлади Зеленский.

Унга кўра, Киев Россия ва Украина ўртасидаги урушни тугатиш бўйича ҳар қандай дипломатик саъй-ҳаракатларни қўллаб-қувватлайди. Унинг қўшимча қилишича, Россия Украинага қарши ҳаракатларининг оқибатларини кўриши керак.

Эслатиб ўтамиз, ноябрь ойи охирида Америка ва Украина делегациялари Майамида Вашингтон таклиф қилган тинчлик режаси бўйича музокаралар ўтказган эди. Шундан сўнг АҚШ вакиллари Киев билан келишилган келишувни Россия президенти Владимир Путинга тақдим этиш учун Москвага йўл олди. 2 декабрь куни Кремль раҳбари махсус элчи Стив Уиткофф ва Жаред Кушнерни қабул қилиб, можарони ҳал қилиш йўлларини муҳокама қилди.