Стив Уиткофф ва Жаред Кушнер шошилинч Исроилга боради

Эроннинг нефт инфратузилмасига зарбалар берилиши ортидан Стив Уиткофф ва Жаред Кушнер Исроилга боради,деб хабар бермоқда Channel 12.

Телеканал маълумотига кўра, ушбу ташриф Эроннинг нефт инфратузилмасига қилинган зарбалар ортидан Вашингтон ва Тел-Авив ўртасидаги келишмовчилик фонида амалга оширилмоқда.

АҚШ расмийлари бу ҳужумлар Эроннинг тинч аҳолиси учун кенг қамровли бўлганини, улар акс таъсир кўрсатишини ва Эрон раҳбариятининг позициясини мустаҳкамлаши мумкинлигини айтишмоқда.

Исроилнинг хавфсизлик соҳасидаги манбанинг билдиришича, ёнилғи омборларига қилинган зарбалар Теҳронга Исроилнинг тинч аҳоли яшайдиган ҳудудларига ҳужумларни тўхтатиш сигнали сифатида амалга оширилган.

Аввалроқ АҚШ энергетика вазири Крис Райт Вашингтон Эрон энергетика инфратузилмасига зарба беришни режалаштирмаганини маълум қилган эди.