Зеленский: Россия Трамп эълон қилган энергетик сулҳни бузди

Бу ҳақда Украина президенти Владимир Зеленский Варшава хавфсизлик форуми чоғида маълум қилди.

Президент Украина энергетика сулҳини жорий этиш ғоясини қўллаб-қувватлашини таъкидлади. Шу билан бирга, у Москва ҳам ушбу энергетика сулҳига рози эканлигини кўрсатиши кераклигини қўшимча қилди. Президент, шунингдек, агар Россия энергетика сулҳига рози бўлмаса, Украина босқинчиларга жавоб беришини таъкидлади.

Украина президенти Владимир Зеленский Россия АҚШ президенти Доналд Трамп эълон қилган энергетик сулҳни бузганини билдирди.

Зеленскийнинг бошқа баёнотлари:

— Россия бу қишда энергетик сулҳга риоя қилишдан бош тортса, Украина жавоб чораларини кўради;

— Ўтган тунда Россиядаги нефтьни қайта ишлаш заводларида ёнғинлар кузатилмади;

— Путин Трампнинг Truth Social тармоғидаги постларини ўқимайди. Трамп ўз баёнотини эълон қилганидан кўп ўтмай, Россия Харкивдаги электр станциясига зарба берди.