Президент Владимир Зеленский Россия қўшинлари 25 декабрь, Рождество кунида Украинага йирик ҳужум уюштириши мумкинлигидан огоҳлантирди.
Зеленский журналистларга бу ҳақда Дипломатик хизмат куни муносабати билан қилган чиқишида маълум қилди.
Украина раҳбарининг қайд этишича, Қўшма Штатлар ва Германия Рождество сулҳини ёқлаб чиққан, бироқ Москва буни рад этган.
"Россия "Рождество сулҳлари бўлмайди" деяпти... Бу сигналлардан сўнг мен разведкамизни иложи борича кучайтиришни ва жойлашувимизни тушунишни сўрадим. Биз улар айнан бизнинг Рождество кунимизда қандайдир оммавий зарбалар беришлари мумкинлигини тушунамиз", деб таъкидлади Зеленский.
Президентнинг таъкидлашича, 24-25 декабрь кунлари Украина шаҳар ва қишлоқларини мудофаа қилиш бўйича штаб йиғилишида ҳаво ҳужумидан мудофаа тизимини кучайтириш ҳақида буйруқ берган.
"Биз бунга эътибор қаратишимиз керак. Ҳарбийларнинг ўзи ҳам эътибор бериши керак. Улар ҳимоя қила олади. Бу жуда қийин, чунки, афсуски, ҳаво ҳужумидан мудофаа тизимлари етишмайди", - дея қўшимча қилди Зеленский.
Шу билан бирга, Украина ўнлаб ҳаво мудофаа тизимлари, жумладан Patriot тизимларини сотиб олиш бўйича шартномалар устида ишламоқда.
Россиянинг “таслим бўлиш” таклифи ҳақида маълум қилинди
Қобилжонни ким ўлдирди? Россияда содир этилган мудҳиш қотилликнинг асл айбдори айтилди
Россия дарҳол ҳарбий ҳаракатларни тўхтатишга тайёр,
