Зеленский қатъий: Мен бошқа ҳеч нарсага кўнмайман

Украинадаги можарони ҳал қилиш бўйича музокаралар фақат Киев иштирокида ўтказилиши лозим, дея таъкидлади Украина президенти Володимир Зеленский Мюнхенда журналистлар билан суҳбатлашиш чоғида. У бу ўзининг принципиал позицияси эканлигини ва бошқа ҳеч қандай вариантга рози бўлмаслигини алоҳида қайд этди.

"У [Россия президенти Владимир Путин] шунчаки вақтинчалик тинчликка рози бўлмайди. Мен [АҚШ президенти Доналд Трампга] "ҳа" дедим, аммо телефон суҳбати - бу шунчаки телефон суҳбати. Келинг, буни унутайлик. Бироқ бир нарса муҳим - бу юзма-юз учрашув. Бу Украинасиз Украина бўйича бирор қарор қабул қилмаслик дегани. Бу менинг принципиал позициям. Мен бошқа ҳеч нарсага кўнмайман," - деди у.

Бундан ташқари, Зеленскийнинг фикрича, Европа Иттифоқини ҳам келишув бўйича музокараларга жалб этиш зарур. Украина раҳбарининг таъкидлашича, Трамп унинг нуқтаи назарини қўллаб-қувватлайди ва тинчлик жараёнига нафақат Киевни, балки Брюсселни ҳам жалб қилишни режалаштирмоқда.