Украина Президенти Владимир Зеленский АҚШнинг Россия дизель ёқилғисини глобал бозорларга етказиб беришга қарши санкцияларни вақтинча тўхтатиш тўғрисидаги қарорини танқид қилди.
Зеленский бу ҳақда ўзининг Телеграм-каналида ёзди.
"Россия билан кескинликни камайтириш бўйича аниқ ва узоқ муддатли келишувсиз санкцияларни юмшатиш заифликнинг аниқ белгисидир. Бу Россияга фойда келтиради, унга кўпроқ одамларни ўлдириш, урушни узайтириш, Америкага камроқ ҳурмат кўрсатиш ва дунёга янада кўпроқ йўқотишлар ва зарар етказиш имконини беради", деди Зеленский.
Украина Президенти Киев кескинликни камайтириш учун ўзаро чоралар кўришга тайёр эканлигини ва Америка томони бу позициядан хабардор эканлигини таъкидлади.
Унинг таъкидлашича, Украинанинг Россиядаги нефтни қайта ишлаш заводлари ва бошқа нефть иншоотларига зарбалари Москванинг Украина энергетика инфратузилмасига узоқ вақтдан бери ҳужумларига жавобдир.
Зеленский агар Россия Украина энергетика инфратузилмасига зарба беришни тўхтаца, Киев ҳам Россия нефтни қайта ишлаш заводларига зарба беришни тўхтатади.
"Айнан шу келишувни биз Америкага таклиф қилмоқдамиз ва биз Қўшма Штатлар бу муросага эришиш учун етарли имкониятларга эга деб ҳисоблаймиз", деб таъкидлади Украина Президенти.
MrBeast: “Ўзбекистонда мухлисларим шу қадар кўпки, балки кетишимизга тўғри келар”
Нега айнан Эркинжон Турдимов? Бу қарор ортида қандай омиллар турибди?
Германия Россия билан дизель ёқилғиси етказиб бериш бўйича келишув тузишни таклиф қилди
