Владимир Зеленский ўзининг европалик иттифоқчиларидан жанговар самолётларни шахсан ўзи сўради.
Украина президенти Париждаги учрашувда Франция ва Германия раҳбарларини "узоқ масофага мўлжалланган оғир қуроллар" юборишга чақирди.
Бунга жавобан Эммануэл Макрон ва Олаф Шольц Украинани қўллаб-қувватлашларини яна бир бор тасдиқладилар.
Зеленский қўшма матбуот анжуманида Франция ва Германия Россия билан қарама-қаршиликда ўйин қоидаларини ўзгартиришга қодир эканлигига ишонишини маълум қилди.
