Зеленский костюм билан яна диққат марказида!

Зеленский костюми ҳақида ҳазиллашди.

Украина президенти Владимир Зеленский "Шевченко мукофоти"ни топшириш маросимида сўзга чиқиб, тадбирга костюмсиз келгани учун узр сўради. Видео давлат раҳбари матбуот хизматининг ижтимоий тармоқларида эълон қилинди.

"Яна бир бор барча украиналик ижодкорларга чуқур миннатдорчилик билдираман. Костюмда эмаслигим учун узр," - деди Зеленский табассум билан.

Илгари АҚШ президенти маъмурияти Зеленскийга Оқ уйда АҚШ президенти Доналд Трамп билан режалаштирилган учрашувдан олдин кийиниш қоидаларига амал қилишни маслаҳат берган эди. Бироқ Украина раҳбари музокараларга ўзининг одатдаги кийимида ташриф буюрди. Овал кабинетда ўтказилган учрашув пайтида журналист Браян Гленн Зеленскийдан костюми бор-йўқлигини сўради. Бу савол вазиятни кескинлаштирди ва тез орада музокаралар Зеленский ва Трамп ўртасидаги баҳсга айланиб тугади.

Бу воқеадан сўнг Гленн Зеленскийга йўллаган сўзлари туфайли минглаб таҳдидлар олганини маълум қилди. Шу билан бирга, Зеленскийнинг стилисти унинг Оқ уйдаги учрашув учун танлаган кийимини маъқуллаб, бундай вазиятда унинг ташқи кўриниши ўринли эканлигини таъкидлади.