Флик "Олтин тўп" учун кутилмаган номзодни танлади

Германиялик мутахассис Ханс-Дитер Флик 2025 йилги "Олтин тўп" ҳақидаги фикрлари билан ўртоқлашди. AS нашрининг хабар беришича, у "Барселона" ҳужумчиси Рафиньяни мукофот учун даъвогарлар рўйхатига киритган.

"Ҳа, албатта. Очиқ-ойдин кўриниб турибдики, у жуда яхши ўйнаяпти. Унинг тезлиги ва урган голлари ҳар доим жамоамизга ёрдам беради. Бу айниқса, сўнгги бир неча ўйинда яққол намоён бўлди.

У яхши футболчига хос барча сифатларга эга. У ҳужумда бўлганда, унинг қанчалик кучи борлигини кўриш мумкин. У жуда диққатини жамлай олган ўйинчи. Уни жамоамизда кўришдан хурсандман", — деди Флик.

Жорий мавсумда Рафинья 40 та ўйинда майдонга тушиб, 25 та гол урган ва 18 та голли узатма амалга оширган.

Бунгача тўрт нафар бразилиялик футболчи "Олтин тўп"ни қўлга киритган:

- Роналдо (2 марта)
- Ривалдо
- Роналдиньо
- Какa.