Украина Россия Федерацияси билан можарони тезроқ тугатишга ва мамлакатнинг НАТОга аъзо бўлиши аниқ бўлганидан кейин ўз ҳудудларининг бир қисмини дипломатик йўллар билан қайтаришга интилади. Бу ҳақда Украина президенти Владимир Зеленский Kyodo News ахборот агентлигига берган интервьюсида айтиб ўтди.
Давлат раҳбари Украинани ҳамкорлари томонидан қўллаб-қувватлаш "етарли эмас"лигини айтди ва НАТОни Киевни ҳарбий-сиёсий блокка аъзолик бўйича музокараларга имкон қадар тезроқ таклиф қилишга чақирди.
Украина раҳбари Россия назорати остига ўтган айрим ҳудудларни, жумладан, 2014 йилда аннексия қилинган Қримни куч билан қайтариш қийин бўлишини, Киев эса муаммони дипломатик йўл билан ҳал қилишига тўғри келишини тан олди.
"Бизнинг армиямиз бунга етарлича кучга эга эмас. Бу ҳақиқат. Биз ҳақиқатан ҳам дипломатик ечим излашимиз керак", — деди Зеленский.
Давлат раҳбари можаро "оғир давр"га кирганига эътибор қаратди ва Киев бир қатор шартларни қабул қилган ҳолда Россия Федерацияси билан музокаралар столига ўтиришга тайёрлигини таъкидлади.
Зеленский шунингдек, “Россия армияси томонидан Шимолий Корея аскарларини тайёрлаш Осиёда катта самара бериши”ни таъкидлади.
Зеленскийнинг сўзларига кўра, Трамп ва унинг жамоаси Украина позициясини билади ва Украина раҳбари илгари тақдим этган “ғалаба режаси”ни ўрганмоқда.
“Улар режани ўрганмоқда ва биз уларнинг фикрини эшитишни кутмоқдамиз. Аммо Украина томонидан таслим бўлмайди. Бу ҳақиқат ва менимча, у буни тушунади", — дея қўшимча қилди давлат раҳбари.
Британия рекорд миқдордаги аскарини йўқотди
АҚШ Украинанинг Россия ҳужумини тўхтата олмаслигини эълон қилди
Ғарб Россиянинг Украинадаги ғалаба йўлини эълон қилди
