Украина президенти Владимир Зеленский хавфсизлик таъминланса ва қонунчиликка зарур ўзгартиришлар киритилса, ҳарбий ҳолат даврида сайловлар ўтказилишини қўллаб-қувватлашга тайёрлигини билдирди.
Бу ҳақда Зеленский журналистлар билан учрашувда айтиб ўтди.
Зеленскийнинг таъкидлашича, Қўшма Штатлар тегишли сигнал юборган, бироқ Киев ўз кучсизлигини кўрсатмаслиги ёки сайловлар бўлмаганида манипуляция учун асос бермаслиги керак: “Шунинг учун мен, албатта, сайловлар тарафдориман. Энг муҳими, улар қонуний тарзда ўтказилиши”.
Унинг таъкидлашича, халқаро ҳамкорлар овоз бериш учун хавфсиз шароитларни таъминлашга ёрдам бериши мумкин.
“Мен парламент аъзоларидан ҳарбий ҳолат даврида сайлов ўтказишга рухсат берувчи қонунчиликка ўзгартиришлар тайёрлашни сўрадим.
Зеленский урушни тугатиш ва Украинанинг мустаҳкам позициясини сақлаб қолиш асосий устуворлик бўлиб қолаётганини, бироқ сайлов масаласи биргаликда кўриб чиқишни талаб қилишини таъкидлади.
"Иккита муҳим нарса бор: хавфсизлик ва қонунчилик. Менинг Украина ҳамкорларига ҳам, Украина парламентига ҳам илтимосим шуки, бу иккала муаммони қандай ҳал қилиш мумкинлигини кўрсатинг", - деди у.
Муҳаммад Салоҳ жазоланадиган бўлди
Бомба ўрнатилган автомобилнинг портлаши оқибатида беш киши ҳалок бўлди
Самарқанддаги “Қорасув” сув омбори бутунлай қуриб қолди
