Зеленский Финляндия президенти билан Украина ҳаво мудофаасини кучайтириш масаласини муҳокама қилди

Украина президенти Владимир Зеленский Финляндия президенти Александр Стубб билан телефон орқали суҳбатлашди.

Бу ҳақда Украина раҳбари ўзининг Telegram-каналида маълум қилди.

Зеленский Стуббга Россия зарбаларидан кейинги вазият ва Украина шаҳарлари ҳамда ҳудудларига ҳужумлар кучайгани ҳақида маълумот берди. Унинг сўзларига кўра, Киев ва мамлакатнинг бошқа шаҳарлари ҳамда ҳудудларида деярли тун бўйи ва кун давомида ҳаво ҳужуми хавфи сақланиб қолган. Шунингдек, у «Шаҳед» туридаги дронлар ва баллистик ракеталар билан зарбалар берилганини айтди.

Томонлар Украинани қўллаб-қувватлашнинг муҳим жиҳатларини, жумладан, F-16 қирувчи самолётлари имкониятларини ва Украина ҳаво мудофааси тизимини кучайтириш масалаларини муҳокама қилди.