Неаполда 11 миллион евролик банкноталар ишлаб чиқаришда гумон қилинган қалбаки пул сотувчиси қўлга олинди. Бу ҳақда 19 август куни Эуропол (Европа Иттифоқи полиция хизмати) маълум қилди.
Операция 14 август куни бўлиб ўтди, ер ости босмахонаси демонтаж қилинди. Тергов маълумотларига кўра, эркак 2023 йилда аниқланган ва муомаладан чиқарилган барча қалбаки евро банкноталарнинг 27 фоиздан ортиғини муомалага чиқарган. Бу тахминан 8 миллион евро.
Бундан ташқари, муомалага чиқарилгунга қадар бутун Европа бўйлаб тахминан 950 000 евро (асосан 20, 50 ва 100 евро номиналларида) мусодара қилинган. Ниҳоят, Неаполдаги босмахонадан 3 миллион евролик банкноталар мусодара қилинди.
Тергов фаолияти 2022 йилдан бери ўтказилиб, ўндан ортиқ давлатдан разведка маълумотлари олинган. Италия карабинери Эуропол кўмагида «бункерга ўхшаш» ер ости босмахонасини топган.
Қалбаки пул сотувчиси асосан Францияда бир нечта миллий ва трансмиллий тарқатиш каналларидан фойдаланган. Европа Марказий банки томонидан қўллаб-қувватланган эксперт таҳлили банкнотларда (жумладан, голограммаларда) қалбакилаштирилган ҳимоя элементлари юқори сифатга эга эканлигини кўрсатди.
Усейн Болт, Криштиану Роналду ва туяқуш ўртасидаги пойгада ким ғалаба қозонади?
Офицерлар оммавий равишда ишдан бўшамоқда
Исроил жиддий хатога йўл қўйди
