- Баъзи ҳамкасбларимиз томонидан “Сериал унақа бўпти, бунақа бўпти”, “Ўхшамапти...” деганларини кўриб ҳам кулгим, ҳам йиғлагим келди! Ажабо бизда қачон бунақа масштабда проект бўлган эди деб ўйланиб қолдим. Бунақа кичик фикрлагандан кўра проект ичига бир назар солинг. Бир кунлик съёмка учун 250-300 дан ортиқ одам жалб қилинган. Энг сўнгги техника ва чироқ ускуналари, костюмлар, маконлар тайёрланган эди. Бундай катта жамоа билан бир ёқадан бош чиқариб ишлашга бизни бир нарса ундади, у ҳам бўлса Бизнинг аждодимиз! Бизнинг Тарихимиз...
Халқаро кинофестивалда қардош мамлакатдан келган санъаткорлар учун меҳр ва ҳурматингизни негадир аямадингиз, ўзбек киносига ҳеч қандай ҳиссаси бўлмаган инсонларни кўкларга кўтардингиз.(Гап эгасини топади). Лекин бизнинг тарихни жонлантиришга ҳаракат қилганларни эсламадингиз ҳам...
