Reuters: Россия санкцияларни четлаб ўтиш мақсадида Хитой ва Ҳиндистон билан нефт савдосида криптовалюталардан фойдаланмоқда.
Агентлик манбаларининг маълум қилишича, Россиянинг айрим нефт компаниялари Хитой юани ва ҳинд рупиясини Россия рублига айрбошлаш жараёнини осонлаштириш учун биткоин, эфир ва Tether каби криптовалюталардан фойдаланмоқда. Уларнинг сўзларига кўра, бу умумий нефт савдосининг ҳозирча кичик, аммо тез суръатда ўсиб бораётган қисмини ташкил этади.
Агентлик суҳбатдошларига кўра, жараён қуйидагича кечади: хитойлик харидор воситачи компаниянинг оффшор ҳисоб рақамига юан шаклида маблағ ўтказади, воситачи эса бу пулларни криптовалютага айлантириб, бошқа ҳисоб рақамига жўнатади. У ердан пул Россиядаги учинчи ҳисоб рақамига юборилади ва рублга айлантирилади.
"Россияга қарши санкциялар олиб ташланса ҳам, криптовалюталар нефт савдосида ишлатилишда давом этиши эҳтимоли юқори – бу операцияларни тезроқ амалга оширишга ёрдам берадиган қулай восита ҳисобланади" – дея қўшимча қилди Reuters манбалари.
Канада АҚШга зарба берди
"Кўринмас" рус дронлари Украина артиллериясини мазах қилмоқда
Хитой Австралияни ўраб олди
