Ёқилғи ташувчи танкернинг портлаши 30 кишининг ҳаётига зомин бўлди

Нигерия ғарбида ёқилғи танкери билан содир бўлган авария оқибатида камида 30 киши ҳалок бўлди, 40 га яқин киши турли даражадаги куйишлар олди.

Бу ҳақда The Nation газетаси гувоҳларга таянган ҳолда хабар берди.

Дастлабки маълумотларга кўра, ёқилғи ташувчи танкер Нигер штатидаги Агае-Бида трассасида ЙТҲга учраган. Маҳаллий аҳоли танкер ичидаги нарсаларни ўғирлашга уриниб, уни ҳайдаб чиқаришга киришган. Портлаш содир бўлди ва тўкилган суюқлик ёниб кетди.

Нигерия ёқилғи танкерлари ҳайдовчилари уюшмаси раиси Фарух Муҳаммад Каво воқеа содир бўлганини тасдиқлади. Унинг сўзларига кўра, Нигер штатида ой бошидан буён 30 га яқин шунга ўхшаш ҳодиса қайд этилган.