Япониялик тадқиқотчи мамлакат жануби-ғарбидаги иккита кичик орол уч кун ичида бир-биридан тахминан 10 сантиметр узоқлашганини аниқлади. Бу ҳақда NHK World-Japan телеканали хабар берди.
Сўнгги ҳафталарда Кагосима префектурасидаги Токара ороллари гуруҳи яқинида сейсмик фаоллик кучаймоқда.
Тохоку университети Табиат фанлари олий мактаби профессори Ота Юсаку ер қобиғининг ҳаракатини ўрганар экан, 2 июлда содир бўлган 5,6 магнитудали зилзиладан кейин уч кун ичида Кодакарадзима ороли шимоли-ғарбга 6 см, Такарадзима ороли эса жанубга 3,5 см силжиганини аниқлади.
Илгари иккала орол ҳам шимолий-шарқий йўналишда ҳаракатланаётган эди.
Профессорнинг сўзларига кўра, қарама-қарши йўналишдаги бундай ҳаракат биринчи марта қайд этиляпти.
Ота Юсакунинг айтишича, зилзиланинг ўзи бу силжишга сабаб бўлмаган бўлиши мумкин, чунки зилзила магнитудаси ва эпицентрнинг ороллардан узоқлиги бундай ўзгаришларга сабаб бўладиган даражада кучли бўлмаган.
Профессор, шунингдек, бу ҳодиса кучли зилзилага олиб келадими ёки йўқми, ҳозирча аниқ айтиш қийинлигини таъкидлади.
У ушбу ҳодисанинг сабабини тушуниш учун олдинги даврлардаги геодезик маълумотларни ўрганишни режалаштириляпти.
ЖЧ-2026 «тарихдаги энг ифлос мусобақа» бўлиши мумкин
Қозоғистонда 1 миллионга яқин сайғоқни отишга қарор қилишди
Мирзабек Холмедов янги лавозимга тайинланди
