Японияда 36 кишига ўт қўйган гумондор қатл этилади

2019 йилда Kyoto Animation студиясига ўт қўйиб, кўплаб ўлимга сабаб бўлганликда айбланган эркак ўз апелляциясини қайтариб олди, деб хабар беради Kyodo News.

46 ёшли Синдзи Аоба 2024 йил январида Япониядаги аниме студиясига 36 кишининг ҳаётига зомин бўлган ҳужум учун ўлим жазосига ҳукм қилинган. Аввало ҳимоячи, кейин айбланувчининг ўзи апелляция шикояти берди. Бироқ, Аоба душанба куни ўз илтимосини қайтариб олди. Шундай қилиб, ўлим жазоси тасдиқланди.

Қарорга кўра, эркак 2019 йил 18 июль куни соат 10:30 атрофида 70 нафар ходим ишлаётган Kyoto Animation студияси биносига кирган. У бинони бензин ёрдамида ёқиб юборган, натижада 36 киши ҳалок бўлган, яна 32 киши жароҳатланган.

Айбланувчининг сўзларига кўра, у Kyoto Animation студияси унинг романини кўчириб олди деб ўйлагани учун ҳужумни амалга оширган. Аобанинг ҳимоячиси унинг руҳий жиҳатдан беқарор эканлигини ва хаёлпарастликдан азият чекаётганини айтди.

Судья Аоба ҳақиқатан ҳам, делирюмдан азият чекаётганини, аммо бу унинг хатти-ҳаракатига унчалик таъсир қилмаганини ва судланувчи ўша пайтда "ақлдан озган ёки фикрлаш қобилияти бузилган" эмаслигини тан олди.

Kyoto Animation бутун дунёдаги аниме мухлислари орасида машҳур, айниқса «K-On!» ва "Харухи Сузумиянинг меланхолияси" айниқса, машҳур.