Япония стартапи тор кўчалар учун электромобилни тақдим этди

Ҳозирда 2000 та олдиндан буюртмалар мавжуд.

Япониянинг KG Motors стартапи ихчам бир ўриндиқли электромобил Mibot'ни тақдим этди. Машина 60 км/соат тезликка эришади ва бир марта қувватланганда 100 кмгача юра олади. Янги маҳсулотнинг нархи тахминан 7000 долларни ташкил қилади.

Японияда электромобиллар ҳақидаги шубҳаларга қарамай, стартап аллақачон 2000 дан ортиқ олдиндан буюртма олган. Компания Mibot тор шаҳар кўчалари бўйлаб кундалик саёҳатлар учун идеал ва оддий автомобилга қулай муқобил бўлишига ишонади.