Япониянинг Хоккайдо оролида рекорд даражадаги қор ёғди. Маҳаллий ҳокимият маълумотларига кўра, оролнинг шарқий ҳудудларида 12 соат ичида 1,29 метр гача қор ёғиб, бу жамоат транспортининг тўхташи, йўлларнинг ёпилиши ва авиарейсларнинг бекор қилинишига олиб келди. Аҳолига заруратсиз уйдан чиқмаслик тавсия этилди.
Энг оғир вазият эса Обихиро шаҳрида кузатилмоқда — у бутунлай қорга кўмилди. 370 та мактаб ёпилди, барча жамоат транспорти ҳаракати тўхтатилди. Маҳаллий аҳолини саёҳатлардан воз кечишга, зарур ҳолатда эса озиқ-овқат ва иссиқ кийим билан чиқишга чақиришмоқда.
Синоптиклар кучли бўронлар, баланд тўлқинлар ва қор кўчкиси хавфи ҳақида огоҳлантирмоқда. Йўллардаги вазият ҳам оғирлашган — автомобиллар қордан тўлиқ кўмилмоқда, шаҳарларни тозалаш учун оғир техника жалб қилинган.
Ҳарорат -20 даражагача тушганига қарамай, ҳозирча электр таъминоти узилиши ёки катта талафотлар ҳақида хабар берилмаган. Бундай қор ёғиши бу ҳудуд учун одатий ҳол, чунки Япониянинг шимолий ва ғарбий ҳудудлари дунёдаги энг қорли жойлар қаторига киради.
Россия С-300/400 макетлари билан дунё кўзини алдамоқда!
Украина Ўзбекистонга санкция жорий қилди. Учта компания ва бир фуқаро “қора рўйхат”да
Россия ва Хитой АҚШнинг “Олтин гумбаз” лойиҳасига қарши чиқди
