Япония, Жанубий Корея ва Хитой Трампнинг божхоналарига қарши бирлашмоқда!

Япония, Жанубий Корея ва Хитой беш йилдан бери илк бор иқтисодий мулоқот ўтказди: улар Трампнинг божхона тарифларига тайёргарлик кўрмоқда — Reuters.

Агентликнинг уч давлат қўшма баёнотига таяниб хабар беришича, мамлакатлар савдо вазирлари Япония, Жанубий Корея ва Хитой ўртасида эркин савдо бўйича ҳар томонлама юқори даражадаги музокаралар ўтказиш учун яқиндан ҳамкорлик қилишга келишиб олган. Ушбу келишув минтақавий ва глобал савдони ривожлантиришга қаратилган.

Reuters'га кўра, Пекин, Сеул ва Токио Вашингтоннинг асосий савдо ҳамкорлари саналади, бироқ фақат Жанубий Корея ва Япония Қўшма Штатларнинг сиёсий иттифоқчилари ҳисобланади.

Эслатиб ўтамиз, бугун Доналд Трамп дунёнинг барча давлатларидан импорт қилинадиган маҳсулотларга бож жорий этишини эълон қилган эди.