Украина ҳарбийлар етишмаслиги муаммосини қисман ҳал қилди

АҚШнинг Европадаги кучлари қўмондони Украина ҳарбийлар етишмаслиги муаммосини қисман ҳал қилганини маълум қилди.

"Украина Россияга қарши курашаётган аскарлар сони етишмовчилиги муаммосининг бир қисмини ҳал қилди. Хусусан, бу ҳолат хизматга янги чақирувчилар сонини ошириш ҳисобига амалга оширилди", – дея генерал Кристофер Каволининг сўзларини келтирди Reuters.

Бундан ташқари, генерал АҚШ томонидан Украинага қурол-яроғ ва разведка маълумотларини етказиб беришнинг тўхтатилиши Киев учун жиддий оқибатларга олиб келишини айтди. Каволининг сўзларига кўра, Украина қурол етказиб берувчи давлатлар рўйхатини кенгайтиришга ҳаракат қилганига қарамай, Қўшма Штатлар ёрдамининг йўқолиши жанг майдонида украин қўшинларининг ҳолатига жиддий таъсир кўрсатади.

Каволининг қайд этишича, Россия ўз қўшинлари сонини оширмоқда ва йўқотишларини таҳлилчилар кутгандан тезроқ тикламоқда.