Янги Тошкентнинг майдони Манхэттен ёки иккита Париж билан тенг бўлади

Бу ҳақда қурилиш саноатига бағишланган халқаро конференцияда Business Consulting Group компанияси директори Павел Золотарёв маълум қилди.

У шунингдек, Марказий Осиёда Янги Тошкент каби 8 та янги шаҳар барпо этиш режалаштирилгани ва улар 10–20 йил ичида битиб қолишини қўшимча қилди.

Шунингдек, Янги Тошкентда дунёдаги энг баланд фаввора пайдо бўлади. Унинг баландлиги 232 метрга етади ва очилиши шу йил август ойига режалаштирилган.

Маълум қилинишича, Янги Тошкентнинг илк аҳолиси шу йил декабрь ойида кўчиб ўтиши мумкин.

Биринчи навбатда оғир ҳаётий вазиятга тушганлар ҳамда маъмурий бинолари Янги Тошкентга кўчириладиган давлат ташкилотлари ходимлари жойлаштирилади.

Бу ҳақда “Янги Тошкент” дирекцияси департаменти бошлиғи Азизбек Омонов маълум қилди.