"Манчестер Сити" ярим ҳимоячиси Илкай Гюндоган жорий трансферлар даврида жамоани тарк этиши мумкин.
Инсайдер Николо Скиранинг таъкидлашича, Леверкузеннинг "Байер" клуби "шаҳарликлар"га Гюндоганнинг эҳтимолий трансфери бўйича сўров юборган. Манбага кўра, 34 ёшли футболчи бош мураббий Хосеп Гвардиоланинг режаларига кирмайди, шунинг учун у тез орада клубни тарк этиши керак.
Илкай ўтган ёзда "Манчестер Сити"га қайтганди. Бу мавсумда у ҳали майдонга тушмади. Айтиш керакки, "Тоттенхэм"га қарши кечган ўйинда (0:2) футболчи умуман қайдномага киритилмади.
Transfermarkt портали мутахассислари Гюндоганнинг нархини беш миллион еврога баҳоламоқда.
Гвардиола Ҳусанов сариқ карточка олган вазият ҳақида фикр билдирди
Элмурод Ҳақназаров бразилиялик рақибидан устун келди
"Захирамизда бошқа Шомуродов, Юсупов ва Ҳусанов йўқ!"
