Яман ҳусийлардан тортиб олинган ҳудудларни қайтариш учун 1000 дан ортиқ зарба беришини маълум қилди

Яман ҳарбийлари Эрон қўллаб-қувватлаётган ҳусийларга қарши кенг кўламли ҳарбий амалиёт бошлашини маълум қилди. Мақсад — ҳусийлар назоратига ўтиб кетган ҳудудларни қайтариб олиш.

France 24 хабар беришича, Яман армияси ҳусийлар позицияларига 1000 дан ортиқ зарба беришни режалаштирмоқда.

Ҳусийлар сентябрь ойида ҳужум бошлаган ва БМТ маълумотларига кўра, тўқнашувлар натижасида икки томондан юзлаб жангчилар ҳалок бўлган.

Айни пайтда Ямандаги фронт Яқин Шарқда давом этаётган кенг кўламли урушдаги энг фаол йўналишлардан бирига айланган.