The Athletic нашри Ла Лиганинг жорий мавсумидаги энг яхши ўйинчини аниқлади. Ушбу эътирофга «Барселона» дарвозабони Жоан Гарсия лойиқ деб топилди, у жамоасининг чемпионатда ишончли ғалаба қозонишида муҳим ўрин тутди.
25 ёшли дарвозабон учун бу «кўк-анорранглилар» сафидаги биринчи мавсумдир. Жоан Гарсия «Барселона»га ўтган йилнинг ёзида «Эспаньол»дан 25 миллион евро эвазига ўтган эди. Испаниялик посбон Ханс-Дитер Флик бошқарувидаги жамоа сафида Ла Лигада 30 та ўйинда майдонга тушиб, 21 та гол ўтказиб юборди ва 15 та ўйинда ўз дарвозаси дахлсизлигини сақлаб қолди.
Сўнгги тур олдидан каталониялилар турнир жадвалида Мадриднинг «Реал» клубини 11 очкога ортда қолдириб, биринчи ўринни эгаллаб турибди. Бугун «Барса» жорий мавсумдаги сўнгги баҳсида «Валенсия»га қарши майдонга тушади.
Ламин Ямал «Барселона»нинг байрам кечасига янги севгилиси билан ташриф буюрди (фото)
«Барселона» Эрлинг Холанд трансфери бўйича якуний қарорга келди
Россиялик собиқ футболчи ЖЧда Ўзбекистондан нималар кутаётганини айтди
