“Фарҳод” чегара божхона пости орқали божхона назоратидан яшириб бошқа шахсга тегишли бӯлган нақд хорижий валюталарни маълум бир ҳақ эвазига олиб чиқишга бўлган уриниш фош этилди.
Божхона қўмитаси матбуот хизматининг хабар беришича, қўшни давлатга чиқиб кетаётган икки нафар йўловчи божхона назоратидан ўтаётган вақтида ўз хатти-ҳаракатлари билан божхона ходимларининг эътиборини тортди. Йўловчилар белгиланган тартибда шахсий кўрикдан ўтказилди.
Ўтказилган шахсий кўрик натижасида фуқаронинг бирида эгнидаги кийимининг ички чўнтагида оғзаки сўровда маълум қилинмаган ҳамда декларацияланмаган 1 млн. 460 минг ҳамда иккинчи йўловчида 730 минг Россия рубли нақд хорижий валютаси борлиги аниқланди.
Ҳозирда ушбу ҳолат юзасидан суриштирув ҳаракатлари олиб борилмоқда.
Хабарда эслатиб ўтилганидек, амалдаги қонунчиликда нақд валюта бир неча шахсларнинг иштирокида, улар ўртасида тақсимланиб божхона чегараси орқали ўтказиш ҳолати аниқланганида, шахс ушбу ҳаракати учун қонун ҳужжатларига мувофиқ жавобгар бўлади.
“Малика”да 23 ёшли йигит 6 миллиард сўмлик фирибгарлик қилди
Украина махсус хизматлари давлат ичидаги “рус кўрсичқон”ни қўлга туширди!
Ўзбекистонликларни келаётган ҳафта бошида қандай об-ҳаво кутмоқда?
