Хоразм вилоятининг Урганч шаҳри бўйича ИИО ФМБ ходимлари томонидан “Қорадори-2022” тезкор-профилактик тадбирининг иккинчи босқичи доирасида чора-тадбирлар олиб борилди. Ушбу тадбир натижасида, тақиқланган экинларни қонунга хилоф равишда экиб, етиштириб келаётган шахснинг жиноий қилмиши фош этилди.
Қайд этилишча, Урганч шаҳрида яшовчи, 1967 йилда туғилган Д.Ҳ. нинг яшаш уйи ва томорқаси холислар иштирокида кўздан кечирилган. Бунинг натижасида, хонадон эгаси уйининг томорқа қисмида 2 туп “каннабис” ўсимлигини экиб, етиштириб келаётганлиги маълум бўлди.
Суд-кимёвий экспертизасининг хулосасига кўра ушбу ўсимликлар таркибида гиёҳвандлик воситаси борлиги тасдиқланди.
Хабарга кўра, ушбу ҳолат юзасидан Жиноят кодексининг тегишли моддаси бўйича жиноят иши қўзғатилиб, тергов ҳаракатлари олиб борилмоқда, “каннабис” эса ашёвий далил тариқасида расмийлаштириб олинди.
Афғонистонда "Толибон"нинг нуфузли амалдори шов-шувли тарзда ўлдирилди
Хоразмда бир аёл уйига меҳмон бўлиб келган аёлни ўлдириб, ҳовлига кўмиб юборди
Россияга ўқишга кетган тошкентлик йигит ҳозир террорчи. У қидирувда
