15 февраль куни тонгда похтахтнинг Чилонзор туманидаги Миллий боғ ҳудудида ўнлаб Хитой фуқаролари турли хил байроқ ва шиорлар билан овозини кўтариб, оммавий тадбир ўтказди. Байроқ ва шиорларда «Биз кучлимиз» деган ёзув ёзилгани айтилмоқда. Ҳудудни қўриқлаётган Миллий гвардия ҳам, Тошкент шаҳар ҳокимлиги ва ИИББ ҳам ҳолатдан бехабарлиги маълум бўлди.
15 февраль куни эрта тонгда Тошкент шаҳридаги Миллий боғ ҳудудида хитойликлар ўзига хос «парад» уюштиришди. Kun.uz келтирган видеоларда ўнлаб кишилар Хитой тилида ёзилган турли хил байроқ ва шиорлар билан овозини кўтариб югураётганини кўриш мумкин.
Тошкент шаҳар ҳокимлиги матбуот хизматининг Kun.uz'га маълум қилишича, ушбу оммавий тадбирдан ҳокимликнинг хабари йўқ.
«Хитойликлар «Биз кучлимиз» деяпти. Хитой студентлари ҳар йили баҳор ва ёз қанақадир шиорларини айтиб юриш қиларкан, бу ҳам шу тадбир бўлса керак», дейилади ҳокимлик матбуот хизмати изоҳида.
Миллий боғ ҳудудида кун-у тун кирган ва чиққанларни текшириб ўтирадиган Миллий гвардия ходимлари ҳам ушбу оммавий тадбирдан бехабар эканини Kun.uz'га маълум қилган.
«Смена топшириш вақти бўлгани учун биз билмаймиз», — деди ҳудуддаги МГ ходимлари.
Маълум бўлишича, айни вақтда Чилонзор туман ИИБ бошлиғи ўринбосари ҳудудга келиб, ҳодиса тафсилотларини ўрганишга киришган.
Озод этилган исроиллик асирнинг сўзлари кўпчиликни ҳайратлантирди: "Сафингизда бўлишни истардим"
Кремлнинг ғалати баёноти
Америкаликлар Зеленскийга бир соат вақт берди
