Хитойлик инвесторлар Самарқанддаги концерт залини янгилаш учун $500 минг ажратди

@SputnikUzbek мухбирига кўра, махсус санъат мактаби қошидаги концерт залида 200 квадрат метрга яқин экран, 100 дан ортиқ ёритиш мосламалари ўрнатилди, креслолар янгиланди, грим хонаси жиҳозланди ва электр иситиш тизими жорий этилди.

Мактаб директори Хуббим Ҳамдамовнинг айтишича, ўтган йил охирида мактаб, хитойлик инвесторлар ва Самарқанд туркомпанияси ўртасида беш йиллик уч томонлама шартнома имзоланган.

Ҳужжатга кўра, соат 14:00 гача зал мактаб фойдаланишига берилади, кейин эса ҳамкорлар сайёҳлар учун концертлар ўтказади.