Хитой Япониянинг узоқ масофали ракеталарини Кумамото ва Сидзуока префектураларига жойлаштиришидан жиддий хавотир билдирди.
Бу ҳақда Хитой ТИВ расмий сайтидаги баёнотда айтилади.
"Япония ўзини ҳимоя қилиш ва жавоб зарбаси бериш имконияти деган баҳона билан ҳужумкор қуролларни жойлаштирмоқда. Бу эса мудофаа доирасидан ва фақат мудофаага йўналтирилган сиёсатдан анча ташқарига чиқишдир", – дейди Хитой Халқ Республикаси Ташқи ишлар вазирлиги расмий вакили Мао Нин.
Дипломатнинг қўшимча қилишича, Япониянинг "янги милитаризми" минтақадаги тинчлик ва барқарорликка таҳдид солмоқда. У халқаро ҳамжамиятни ушбу жараёнга нисбатан ҳушёр бўлишга чақирди.
Эслатиб ўтамиз, 31 март куни Япония Мудофаа вазирлиги тахминан 1000 км масофага модернизация қилинган кемага қарши ракеталар жойлаштирилишини эълон қилди. Вазирликнинг таъкидлашича, "душман базаларини йўқ қилиш қобилиятига эга" ракеталар Иккинчи жаҳон урушидан бери хавфсизлик соҳасидаги энг мураккаб вазият фонида масофадан мудофаа учун зарур.
Трамп Саудия шаҳзодаси ҳақида кескин баёнот қилди
Туркия АҚШни огоҳлантирди!
Россия Украина борасида Жанубий Кореяни жиддий огоҳлантирди
